قومی زبان کا پروگرام نئی اصطلاحات

ادارہ فروغ قومی زبان کے شعبہ نفاذ اردو کا یہ آن لائن پروگرام ہر پاکستانی اور دنیا بھر کے ماہرین اردو کو اپنی خداداد صلاحیتوں کو بروئے کار لاتے ہوئے پیشہ وارانہ صلاحیتوں کی لسانی خدمت کا موقع فراہم کرتا ہے۔ گزشتہ شماروں میں انگریزی حروف تہجی کی ردیف اے (A)تا قیو (Q) اصطلاحات پیش کی جاچکی ہیں۔ اس شمارے میں ردیف آر (R)اور ایس(S)کی مزید نئی مجوزہ ۷۳ اصطلاحات ارباب علم و فن کی خدمت میں پیش ہیں۔ اس کے ساتھ ہی فراہم کردہ نئی اصطلاحات کی تعداد ۳۱۱ ہوجاتی ہے۔
ہماری درخواست ہے کہ 'فہرست مجوزہ الفاظ ؍اصطلاحات' اوراصلاح شدہ الفاظ کی متبادل اردو اصطلاحات میں انگریزی اور اردو اصطلاحات /الفاظ ملاحظہ فرمائیے اور اپنے پیشہ وارانہ تجربے کی روشنی میں پرکھیے۔ اگر آپ ان میں کوئی مزید مترادف اصطلاح آن لائن/بذریعہ ڈاک یا بالمشافہ تحریراً تجویز کریں تو ہم بے حد ممنون ہوں گے۔ آپ ان کے علاوہ انگریزی/اردو کا کوئی نیا لفظ/اصطلاح اور ممکن ہو تو اس کا متبادل بھی شعبہ نفاذ اردو کے لیے محکمہ کی ویب سائٹ www.nlpd.govt.pk پر دیا گیا ''اصطلاح نامہ''(فہرست کے آخر پر بھی شائع شدہ) پُر کرکے ہمیں nifazeurdu@gmail.comپرای میل کرسکتے ہیں۔ آپ کے ارسال کردہ الفاظ /اصطلاحات ماہرین کی اعلیٰ سطح کمیٹی کو پیش کردی جائیں گی جو بعدازاں بطور اردو لفظ/اصطلاح رائج ہوسکتی ہے۔ آپ کے یہ متبادلات پاکستانی زبانوں سے بھی اخذشدہ ہوسکتے ہیں تاکہ ہم 'دانش پاکستان' کو قومی زبان آمیز کرسکیں۔ آپ کو زیادہ فرصت نہ ہو تو فی الوقت اپنے شعبۂ زندگی کا صرف ایک نیا لفظ ہی ارسال فرمادیں۔ آپ اور آپ جیسے ماہرین کے ارسال کردہ نئے الفاظ قومی زبان کا حصہ بن کر قوم کا قیمتی علمی اثاثہ بن جائیں گے۔
اعلیٰ سطح ماہرین کی علمی جانچ پڑتال اور حتمی فیصلے کے بعد آپ کا مجوزہ لفظ اردو میں رائج ہوکر قبولیت عامہ پاسکتا ہے، جو آپ کا قومی اعزاز ہوگا۔ آئیے اپنی علمی صلاحیتوں کو پرکھیے، نکھارئیے اور قوم سے منواکر قومی خدمت میںشریک ہوجائیے۔
مدیر

فہرست مجوزہ اصطلاحات